"Sirli sandıq" adlı konsert

23 və 25 dekabr Azərbaycan Dövlət Uşaq Filarmoniyasının səhnəsində ənənəvi bayram konserti keçirildi. Dövlət Uşaq Filarmoniyası hər il olduğu kimi bu il də Dünya Azərbaycanlılarının Həmrəyliyi günü və Yeni il münasibətiylə “Sirli Sandıq” adlı konsert proqramı ilə ilə yekun vurdu. Konsert proqramında filarmoniyanın “Musiqili Uşaq Teatrı”, “Şəms” uşaq xoru, Uşaq Folklor Rəqs ansamblı, Vokal sinfi bir-birindən maraqlı nömrələrlə tamaşaçılarını sevindirdi. Proqramda daha çox müxtəlif xalqların mahnı və rəqsləri yer almışdır. Bu isə xalqımızın multikultural dəyərlərin inkişafına olan dəstəyindən irəli gəlir. Konsert proqramına daxil edilmiş dünyaca məhşur yeni il mahnıları isə proqramı daha da zənginləşdirib bayram abu-havası qatdı. Hər il keçirilən bayram konserti bu dəfə də tamaşaçıların aramsız alqışları ilə sona çatdı.