"Zəfər Sədası" adlı konsert

Zəfər Gününün ikinci il dönümü münasibəti ilə Azərbaycan Dövlət Uşaq Filarmoniyası 5 Noyabr tarixində "Zəfər Sədası"adlı təntənəli tədbir keçirib. Tədbirdə 44 günlük Vətən müharibəsidə şəhid olmuş qəhrəmanların ailə üzvləri və müharibə iştirakçıları,veteranlar qonaq qismində iştirak ediblər. Tədbirdə Azərbaycan Dövlət Uşaq Filarmonyasının yetişdirdiyi istedadlı gənc aktyorlarının,rəqs kollektivinin,xor qrupunun, yaddaqalan ,peşəkar çıxışları bir birini əvəzləyib. Tədbirə "Bacarıqlı əllər"rəsm dərnəyinin yetirmələrinin əl işləri də xüsusi rəng qatıb. Filarmonya heyətini xüsusi peşəkarlıq və sevgi ilə hazırladığı tədbirlə Zəfər günü iştirakçılarına və ailələrinə minnətdarlıqlarını bildiriblər və bu tədbir şəhidlərimizin,müharibə veteranlarının və ailələrinin heç zaman diqqətdən kənar qalmayacağlarının bariz nümunəsidir.